სტერეოტაქსიური ვაკუუმ-ბიოფსია   HOLOGIC 3D მამოგრაფიის აპარატი საშუალებით.

საქართველოში პირველად სწორედ კლინიკა „კოი-ში“ გთავაზობთ Hologic-ის მამოგრაფ-ტომოსინთეზის აპარატით სტერეოტაქსიურ ვაკუუმ-ბიოფსიას.

ეს თანამედროვე ტექნოლოგია უზრუნველყოფს უმაღლეს სიზუსტეს, ნაკლებად ინვაზიურ პროცედურასა და სწრაფ დიაგნოსტიკას. სტერეოტაქსიური ვაკუუმ-ბიოფსია წარმოადგენს ბიოფსიის მეთოდს, რომელიც ხორციელდება მამოგრაფიული კონტროლით და პრაქტიკულად შეუცვლელია ექოლოგიურად არავიზუალიზებადი, უმცირესი ზომის უბნიდან სადიაგნოსტიკო მასალის ასაღებად, მისი მეშვეობით შესაძლებელია გარკვეულ სიტუაციებში თავიდან იქნეს აცილებული ქირურგიული ჩარევა.

Hologic-ის მამოგრაფია-ტომოსინთეზის აპარატი აღჭურვილია თანამედროვე ფუნქციებით, რომლებიც ხელს უწყობენ უფრო ზუსტ დიაგნოსტიკას:

1. კონტრასტული მამოგრაფია: ამ მეთოდის დროს გამოიყენება სპეციალური ინტრავენური საკონტრასტო ნივთიერება, რომლის მეშვეობითაც შესაძლებელი ხდება სარძევე ჯირკვლის ქსოვილის მეტად დეტალური გამოსახულების მიღება.
2. სტერეოტაქსიური ვაკუუმ-ბიოფსია: ეს არის ტექნოლოგია, რომელიც საშუალებას იძლევა მიზანმიმართულად მოხდეს ქსოვილის ნიმუშის აღება უმცირესი პათოლოგიური უბნიდან, ამასთან მაქსიმალური სიზუსტით და მინიმალური ინვაზიურობით. სტერეოტაქსიური ბიოფსიის დროს დაგეგმარება ხდება სამგანზომილებიან კოორდინატთა სისტემაში, რაც პრაქტიკულად გამორიცხავს ბიოფსიისთვის არასათანადო არეში მოხვედრის ალბათობას.

ამ ფუნქციების კომბინაცია განსაკუთრებით მნიშვნელოვანია მკერდის კიბოს ადრეული დიაგნოსტიკისა და ზუსტი მკურნალობის გეგმის შესადგენად.