ქირურგიული დეპარტამენტი

ზოგადი ქირურგია (General Surgery)

 

რა არის ზოგადი ქირურგია?

ზოგადი ქირურგია წარმოადგენს მედიცინის ფუნდამენტურ დარგს, რომელიც მოიცავს შინაგანი ორგანოებისა და რბილი ქსოვილების დაავადებების დიაგნოსტიკას, ოპერაციულ მკურნალობას და პაციენტის პოსტოპერაციულ  მართვას.

ზოგადი ქირურგია მოიცავს ორგანიზმის სხვადასხვა სისტემის დაავადებების მკურნალობა:

1. საჭმლის მომნელებელი სისტემა
   • საყლაპავის დიაფრაგმული ხვრელის თიაქარი
   • რეფლუქს-დაავადება (GERD)
   • კუჭის წყლულოვანი დაავადება და მისი გართულებები
   • სხვადასხვა ტიპის წარმონაქმნები
   • ნაწლავთა გაუვალობა
   • დივერტიკულიტი
   • ნაწლავის ანთებითი დაავადებების ქირურგიული გართულებები
   • პოლიპოზი
   • მწვავე და ქრონიკული აპენდიციტი
   • პერიტონიტი
   • გასტრო-დუოდენური სისხლდენა
   • მუცლის ღრუს ტრავმული დაზიანებები

 

2. ჰეპატობილიარული სისტემა
   • ნაღვლკენჭოვანი დაავადება (ქოლელითიაზი)
   • მწვავე და ქრონიკული ქოლეცისტიტი
   • სანაღვლე სადინარების პათოლოგიები
   • მწვავე პანკრეატიტი

 

3. მუცლის კედელი და თიაქრები (ჰერნიოლოგია)
   • საზარდულის, ბარძაყის, ჭიპისა და თეთრი ხაზის თიაქრები
   • ოპერაციის შემდგომი (ვენტრალური) თიაქრები და მუცლის კედლის რეკონსტრუქცია
4. ენდოკრინული ქირურგია:
   • ფარისებრი, მომიჯნავე (პარათიროიდული) და თირკმელზედა ჯირკვლების  წარმონაქმნები
   • სხვადასხვა ტიპის კვანძები
   • ჰიპერფუნქციური მდგომარეობები
5. კანი, კანქვეშა ქსოვილები და რბილი ქსოვილები:
   •  ლიპომა
   • ათერომა
   • ფიბრომა
   • ნევუსი
   • ჩირქოვანი ინფექციების მკურნალობა
   • აბსცესი
   • ფლეგმონა
   •  ჩაზრდილი ფრჩხილი

 

ზოგადი ქირურგიის მიმართულებები

• მინიმალურად ინვაზიური (ლაპაროსკოპიული) ქირურგია: ოპერაციები წარმოება ხდება მცირე განაკვეთებით (0.5–1 სმ), სპეციალური ვიდეოკამერისა და ინსტრუმენტების გამოყენებით.

• უპირატესობები: მინიმალური ტკივილი, უმნიშვნელო ნაწიბურები, სისხლის მცირე დანაკარგი, საავადმყოფოში დაყოვნების ხანმოკლე პერიოდი (ხშირად 1–2 დღე) და სწრაფი სარეაბილიტაციო პერიოდი.
• ტრადიციული (ღია) ქირურგია: ოპერაციების წარმოება ხდება ერთი დიდი განაკვეთის მეშვეობით
  • გამოიყენება რთული, ფართომასშტაბიანი ან გადაუდებელი ანატომიური პათოლოგიების დროს, როდესაც ლაპაროსკოპიული წვდომა შეუძლებელია ან სახიფათოა.

 

• ჰერნიოლოგია:

მუცლის კედლის თიაქრების მკურნალობა თანამედროვე  იმპლანტების (Mesh) გამოყენებით.

• კოლორექტული ქირურგია:

მსხვილი და სწორი ნაწლავის დაავადებები (ბუასილი, ანალური ნაპრალი, ფისტულა).

• ბარიატრიული ქირურგია:

ჭარბი წონისა და ნივთიერებათა ცვლის დარღვევების ქირურგიული მკურნალობა (კუჭის ვერტიკალური რეზექცია, Bypass, კუჭის ბალონირება).

 

რა უნდა იცოდეს პაციენტმა ქირურგთან ვიზიტამდე? (პაციენტის გზამკვლევი)

როდესაც პაციენტი შედის კლინიკის ვებგვერდზე, მან უნდა მიიღოს მკაფიო პასუხები შემდეგ კითხვებზე:

1. როდის უნდა მივმართო ზოგად ქირურგს?
   • მუცლის არეში გაურკვეველი ან მწვავე ტკივილის დროს.
   • მუცლის, საზარდულის ან ჭიპის მიდამოში წარმონაქმნის (თიაქრის) გაჩენისას.
   • კანზე ან კანქვეშ ახალი წარმონაქმნების, გამკვრივებების ან ანთებითი კერების არსებობისას.
   • გულძმარვის, ყლაპვის გაძნელების ან საჭმლის მომნელებელი სისტემის ქრონიკული პრობლემების დროს.
   • გეგმური ქირურგიული ჩარევის საჭიროებისას (ნაღვლკენჭოვანი დაავადება, თიაქარი და ა.შ.)
2. როგორ მიმდინარეობს კონსულტაცია?
   • ქირურგი აფასებს პაციენტის ჩივილებს, ატარებს ფიზიკალურ გასინჯვას და საჭიროებისამებრ ნიშნავს დამატებით ინსტრუმენტულ (ულტრაბგერა/ექოსკოპია, კომპიუტერული ტომოგრაფია - CT, ენდოსკოპია) და ლაბორატორიულ კვლევებს.
3. უსაფრთხოება და ხარისხი:
   • ოპერაციამდე პაციენტი გადის სრულყოფილ წინასაოპერაციო შეფასებას. კვლევებში ერთვება ვიწრო სპეციალისტები: თერაპევტი, კარდიოლოგი, ენდოკრინოლოგი, ანესთეზიოლოგი.
   •  პაციენტის ზოგადი მდგომარეობის სრული შეფასების შემდეგ იგეგმება ოპერაციული მკურნალობა.

 

რატომ „კოი სამედიცინო ჰაბი“ ?

„კოი სამედიცინო ჰაბში“ ქირურგიული მომსახურება ეფუძნება თანამედროვე მედიცინის პრინციპებს - ეს არის პაციენტის ჯანმრთელობაზე მორგებული  კომპლექსური და თანამედროვე სისტემა. 

 

ჩვენი კლინიკური უპირატესობები:

• მაღალკვალიფიციური გუნდი: ზოგადი ქირურგიის დეპარტამენტი უზრუნველყოფს მუცლის ღრუს, ჰეპატობილიარული, ენდოკრინული, ბარიატრიული და რბილი ქსოვილების პათოლოგიათა კომპლექსურ დიაგნოსტიკასა და ქირურგიულ მკურნალობას.
• მინიმალურად ინვაზიური ტექნოლოგიები: ქირურგიული ჩარევების დიდ ნაწილში პრიორიტეტი ენიჭება ლაპაროსკოპიულ მეთოდებს, რაც მნიშვნელოვნად ამცირებს ოპერაციულ ტრავმას, გართულების რისკსა და ჰოსპიტალიზაციის ხანგრძლივობას.
• წინასაოპერაციო მომზადება და რისკების მართვა:  პაციენტის უსაფრთხოების მიზნით, ოპერაციამდე ხორციელდება ორგანიზმის ფუნქციური მდგომარეობის სრული შეფასება მომიჯნავე სპეციალისტების (თერაპევტი, კარდიოლოგი, ენდოკრინოლოგი, ანესთეზიოლოგი) ჩართულობით.

 

ჩვენი მთავარი ამოცანაა ქირურგიული მკურნალობის მაღალი ეფექტურობის უზრუნველყოფა და პაციენტის ჯანმრთელობის ოპტიმალურად მოკლე ვადებში აღდგენა.