რა არის ონკოჰემატოლოგია?
ონკოჰემატოლოგია არის მედიცინის დარგი, რომელიც შეისწავლის სისხლმბადი სისტემის (ძვლის ტვინი, ლიმფური კვანძები) სიმსივნურ დაავადებებს. ამ დეპარტამენტის სპეციალისტები მუშაობენ ისეთი დაავადებების დიაგნოსტიკასა და მკურნალობაზე, როგორიცაა: • ლეიკემია (სისხლის კიბო); • ლიმფომა (ლიმფური სისტემის სიმსივნე); • მიელომა.
როდის უნდა მიმართოთ ონკოჰემატოლოგს? ხშირად პაციენტები ამ განყოფილებაში ხვდებიან თერაპევტის ან ოჯახის ექიმის რეფერალით, თუ აღენიშნებათ:
1. ცვლილებები სისხლის ანალიზში: ჰემოგლობინის მკვეთრი ვარდნა (ანემია), ლეიკოციტების ან თრომბოციტების რაოდენობის მნიშვნელოვანი გადახრა ნორმიდან.
2. ლიმფური კვანძების გადიდება: უმტკივნეულო კვანძები რომლებიც დროთა განმავლობაში არ პატარავდება.
3. გაუგებარი ეტიოლოგიის ცხელება: გახანგრძლივებული დაბალი (ან მაღალი) ტემპერატურა, რომელსაც თან არ ახლავს გაციება ან ინფექცია.
4. ღამის ოფლიანობა: ძლიერი ოფლიანობა ძილის დროს.
5. წონის უმიზეზო კლება.
6. მუდმივი დაღლილობა და სისუსტე.
7. მიდრეკილება სისხლჩაქცევებისკენ: ლურჯი ლაქების გაჩენა სხეულზე მინიმალური ტრავმის დროს ან საერთოდ მის გარეშე, ასევე ხშირი სისხლდენა ღრძილებიდან ან ცხვირიდან.
თუ თქვენ ან თქვენს ახლობელს ზემოთ ჩამოთვლილი სიმპტომებიდან რამდენიმე გაწუხებთ, ნუ გადადებთ ვიზიტს სპეციალისტთან. გაიარეთ კონსულტაცია კვალიფიციურ ონკოჰემატოლოგთან და მიიღეთ ზუსტი პასუხები თქვენს კითხვებზე. დრო ონკოჰემატოლოგიაში ყველაზე ძვირფასი რესურსია. ნუ დაელოდებით სიმპტომების დამძიმებას – მცირედი ეჭვის შემთხვევაშიც კი მიმართეთ პროფესიონალებს. თქვენი ჯანმრთელობა თქვენს ხელშია!
არ გამოგრჩეთ კოის სიახლეები
