ახალი წელი ბევრისთვის ახალი გეგმების, სურვილებისა და იმედების პერიოდია. სწორედ ამ დროს ვიწყებთ ფიქრს იმაზე, თუ რა გვინდა შევცვალოთ, რას დავუთმოთ მეტი ყურადღება და რა არ უნდა გადავდოთ მომავალისთვის. ჯანმრთელობა ამ სიაში ხშირად პირველ ადგილზეა — და სრულიად დამსახურებულად.
თუმცა ჯანმრთელობაზე ზრუნვა არ ნიშნავს შიშს, მძიმე ფიქრებს ან უეცარ გადაწყვეტილებებს. პირიქით — ეს არის მშვიდი, გააზრებული პროცესი, რომელიც იწყება საკუთარ თავზე ყურადღების მიქცევით.
ჯანმრთელობაზე ზრუნვა იწყება საკუთარი თავის მოსმენით.
ყოველდღიურ რუტინაში ხშირად გვავიწყდება, მოვუსმინოთ საკუთარ ორგანიზმს. დაღლილობა, სტრესი, მცირე დისკომფორტი — ყველაფერს „გადაღლას“ ან „დროის უქონლობას“ ვაბრალებთ. ახალი წელი კარგი შესაძლებლობაა, ცოტა ხნით დავფიქრდეთ და საკუთარ თავს ვკითხოთ: როგორ ვგრძნობ თავს? რას მიგზავნის ჩემი ორგანიზმი სიგნალებად?
ამ კითხვებმა არ უნდა შეგვაშინოს — პირიქით, საკუთარ თავსს ვაძლევთ შანსს, რომ დროულად ვიზრუნოთ ჯანმრთელობაზე.
რატომ არის პროფილაქტიკა ვიზიტი ექიმთან სიმშვიდის მომტანი.
ბევრი ადამიანისთვის ექიმთან ვიზიტი შიშთან ასოცირდება. სინამდვილეში კი, პროფილაქტიკური შემოწმება ხშირად სწორედ სიმშვიდის მოტანას ემსახურება.
როდესაც ადამიანი სულ ინფორმაციას ფლობს აქვს :
- ნაკლები გაურკვევლობაა
- ნაკლები შიში
- მეტი კონტროლი საკუთარ ჯანმრთელობაზე
პროფილაქტიკა არ ნიშნავს პრობლემის არსებობას — ის ნიშნავს პასუხისმგებლობას საკუთარი თავის მიმართ.
ექიმი, როგორც პარტნიორი და არა მხოლოდ სპეციალისტი
თანამედროვე მედიცინაში ექიმისა და პაციენტის ურთიერთობა მხოლოდ დიაგნოზსა და მკურნალობას არ მოიცავს. მნიშვნელოვანია ნდობა, გულწრფელი საუბარი და ადამიანის ემოციური მდგომარეობის გათვალისწინება.
კონსულტაცია ექიმთან არის ის პროცესი, სადაც პაციენტს შეუძლია:
- დასვას ყველა კითხვა
- მიიღოს მისთვის გასაგები განმარტებები
- და თავი იგრძნოს დაცულად
ეს ურთიერთობა განსაკუთრებით მნიშვნელოვანია მაშინ, როცა საქმე ჯანმრთელობას ეხება.
გააზრებული პატარა ნაბიჯები — მნიშვნელოვანი შედეგებისთვის.
ჯანმრთელობაზე ზრუნვა არ იწყება რთული გადაწყვეტილებებით. ეს ცოდნაზე დაფუძნებული, მშვიდი და პასუხისმგებლიანი ქმედებაა.
ხშირად საკმარისია:
- დროულად დაგეგმოთ ვიზიტი ექიმთან
- გაიაროთ პროფილაქტიკური შემოწმება
- გააკეთო ინფორმირებული არჩევანი
ეს პატარა ნაბიჯები გვაძლევს ყველაზე დიდ შედეგს — სიმშვიდესა და თავდაჯერებულობას.
ახალი წელი — ზრუნვის მშვიდი დასაწყისი
ზრუნვა საკუთარ ჯანმრთელობაზე ყოველთვის სწორ დროს ხდება. ახალი წელი კი ამისთვის განსაკუთრებით კარგი პერიოდია — არა იმიტომ, რომ რაღაც გვაწუხებს, არამედ იმიტომ, რომ გვინდა საკუთარ თავს და მომავალს მეტი ყურადღება მივაქციოთ.
ჩვენ გვჯერა, რომ ჯანმრთელობაზე ზრუნვა უნდა იყოს გააზრებული და ადამიანზე მორგებული. სწორედ ასეთი მიდგომა ქმნის ნდობას და გრძელვადიან შედეგს.
- ნახვები:56
