ანესთეზია,  რეანიმაცია, ინტენსიური თერაპია. 

ანესთეზიის, ინტენსიური თერაპიისა და რეანიმაციის განყოფილება.

კლინიკური ონკოლოგიის ინსტიტუტის ანესთეზიისა და ინტენსიური თერაპიის სამსახური უზრუნველყოფს ანესთეზიოლოგიური და კრიტიკული მდგომარეობის მართვის სრულ სპექტრს — როგორც ქირურგიული, ისე არასაოპერაციო მიმართულებით.

ჩვენი მთავარი პრიორიტეტია პაციენტის უსაფრთხოება და კომფორტი მკურნალობის ყველა ეტაპზე — დაწყებული წინასაოპერაციო შეფასებით, გაგრძელებული ოპერაციის მიმდინარეობით და დასრულებული ოპერაციის შემდგომი მონიტორინგითა და ეფექტური ტკივილის მართვით.

სამსახური უზრუნველყოფს:

• ზოგად და რეგიონულ ანესთეზიას ქირურგიული ჩარევებისას,
• სედაციას ამბულატორიული, დიაგნოსტიკური და მცირე ინვაზიური პროცედურებისას,
• ანესთეზიოლოგიურ მონიტორინგსა და დახმარებას ქიმიოთერაპიის მიმდინარეობისას, მათ შორის ვენური პორტების იმპლანტაციისას.

განყოფილება აღჭურვილია თანამედროვე ტექნიკით, მათ შორის:

• მრავალპროფილური საანესთეზიო და სასუნთქი აპარატებით,
• გაზოანალიზატორებითა და კარდიომონიტორებით,
• ინფუზომატებითა და დოზატორებით,
• ჰემოდინამიკისა და მჟავა-ტუტოვანი წონასწორობის შეფასების სისტემებით.

ჩვენთვის პრინციპულად მნიშვნელოვანია, რომ თითოეულმა პაციენტმა მიიღოს ინდივიდუალურად დაგეგმილი, თანამედროვე გაიდლაინებზე დაფუძნებული მკურნალობა — გამოცდილი და მაღალკვალიფიციური ანესთეზიოლოგების მეთვალყურეობით — უსაფრთხოების საერთაშორისო სტანდარტების სრული დაცვით